СУПОРИШ

СУПОРИШ, шартномаи ҳуқуқию гражданист, ки мувофиқи он тарафҳо (вакил ва ваколатдеҳ) ӯҳдадор мешаванд, ки яке (вакил) ба ҷои дигаре (ваколатдеҳ) амали муайяни ҳуқуқиро (харидани молу мулк, додани маблағи пулӣ ва ғайра) иҷро кунад. Дар СССР Супориш яке аз воситаҳои ҳуқуқист, ки иштироки гражданҳо ва ташкилотҳоро дар бастани аҳднома ва ғайра бо ҳамкории шахсони дигар таъмин менамояд. Фаъолияти ҳуқуқии вакил нисбат ба шахси сеюм дар асоси ваколатномаи ба вай дадашуда ба амал бароварда мешавад. Ваколатдеҳ уҳдадор аст, ки агар дар қонун ё шартнома пешбинӣ шуда бошад, ба вакил подош ё мукофот диҳад.