СУЛТОНМУҲАММАДИ НУР

СУЛТОНМУҲАММАДИ НУР (4470—1533), хаттоти форс-тоҷик. Аслан аз Ҳирот, котибидарбори Султон Ҳусайни Бойқаро буд. Ҳамасронаш СултонмуҳаммадиНурро дар ранганависӣ (истифодаи якчанд ранг) ва таҳрир мумтоз донистаанд. Муаллифи китоби «Муроот-ул-олам» дар ин хусус навиштааст; «Хатшиносони он замон мӯътақиданд, ки хафиро беҳ аз ӯ касе нанависад». СултонмуҳаммадиНурро баъзеҳо «Азҳари сонӣ» лақаб додаанд. Аз нусхаҳои китобати СултонмуҳаммадиНур як нусха «Зафарнома»-и Шарафуддин Алии Яздӣ (санаи китобаташ соли 1628, дар Китобхонаи датлатии Эрон, Теҳрон), «Мунтахаби ашъор»-и Саъдии Шерозӣ ва Абдурраҳмони Ҷомӣ (1518, ҳамон ҷо), девони Ҳофизи Шерозӣ (дар Китобхонаи мачлиси шӯрои миллӣ, Теҳрон), «Бӯстон» ва «Гулистон»-и Саъдии Шерозӣ (ҳамон ҷо) мебошад. СултонмуҳаммадиНур шеър ҳам менавиштааст, ки намунаҳояш боқӣ мондаанд.            А. Нуров, И. Калонов.