СТРАТОСТАТ, аэростатеро гӯянд, ки озод парида ба стратосфера, яъне ба баландии зиёда аз 11000 м мебарояд. Агар Стратостат одам дошта бошад, ҳуҷрааш ҳавоногузар сохта шуда, барои таъмини ҳаёт бо асбобу афзори лозима ҷиҳозонида мешавад.
Кураи пури Стратостат вобаста ба баландии парвоз ва вазни бораш аз 14000 то 105000 м3 ҳаҷм дошта метавонад. Стратостатҳое, ки фақат то ба табақаҳои поёни стратосфера мебароянд, субстратостат ном доравд. Стратостат солҳои 30 асри 20 маъмул буд.