СТЕРЕОКИНО, кинои стереоскопӣ, як навъи санъати киност, ки дар экрани махсус тасвири зиндаи объектҳоро нишон медиҳад.
Дар Стереокинои системаҳои оинадор тақсимоти тасвирҳои стереоҷуфтҳо тавассути филтрҳои рӯшноӣ ва дар Стереокинои системаҳои беоина — тавассути истифодаи экранҳои растрӣ амалӣ мешавад. Соли 1928 Э. Ноайон (Белгия) дар экранҳои растрӣ принсипан имконпазир будани кинопроекцияи спектроскопиро нишон дод. Дар СССР аввалин намоиши таҷрибавии стереофилм соли 1937 гузаронда шуд. Аз нимаи дуюми солҳои 60 асри 20 сар карда, системаи Стереокинои ба вуҷуд омад, ки дар он ҳангоми ба навор гирифтан ва намоиш додани стереофилмҳо кинонавори 70 мм истифода мешавад.