«СРЕДНЕАЗИАТСКИЙ ВЕСТНИК»

«СРЕДНЕАЗИАТСКИЙ ВЕСТНИК» («Ахбори Осиёи Миёна»), журнали ҳармоҳаи илмию адабӣ. Аз январ то декабри 1896 ба забони русӣ нашр гардидааст. Ношир ва муҳаррираш Е. Т. Смирнов буд. Моҳҳои январ— феврал 1897 ба ҷои он маҷмуаи мақолаҳои илмию адабӣ оид ба таърих ва этнографияи Осиёи Миёна нашр шуд. Дар журнал оид ба таърих, археология, география, хоҷагии қишлоқ, статистика, савдо, саноат мақолаҳо чоп мешуданд, хулосаи ҳаёти маҳаллӣ инъикос меёфт.