СПЕССАРТИН

СПЕССАРТИН (пуштакӯҳи Шпессарт дар Ресспубликаи Федеративии Германия), минерал аз гурӯхи беҷода. Формулаи химиявиаш Мn₃АL₂ (SiO₄)₃: одатан омехтаҳои изоморфии Ғе²+, Мg², Са²+, инчунин Y³+ дорад. Дар системаи куби кристалл мебандад; кристаллҳояш ба мисли кристаллҳои беҷодаанд; аксар вақт дар шакли массаҳои яклухти довадор низ вомехӯрад. Ранги Спессартин вобаста ба омехтаҳои таркибаш сиёҳ, гулобӣ, сурх, норанҷӣ мешавад. Сахтиаш 7—7,5; зичиаш 3800—4280 кг/м³. Спессартин бештар дар пегматитҳои гранитӣ, ҷинсҳои кӯҳии метаморфӣ ва скарнҳо ёфт мешавад.