СОКОЛОВ Борис Сергеевич

СОКОЛОВ Борис Сергеевич (таваллудаш 9. 4. 1914, Вышний Волочёк, ҳозира вилояти Калинин), геолог ва палеонтологи советӣ, академики АФ СССР (1968; аъзо-корреспондент 1958). Асарҳои асосиаш оид ба марҷонҳои эраи палеозой, қадимтарин организмҳои протерозой ва кембрий, таърихи инкишофи олами органикии токембрий, биостратиграфия ва палеогеографияи палеозойи аввал дар территорияи СССР мебошанд. Соколов—академик-котиби Шӯъбаи геология, геофизика ва геохимия, инчунин аъзои Президиуми АФ СССР (аз 1975), президенти Ҷамъияти умумииттифоқии палеонтологии АФ СССР (аз 1974), ноиб-президенти Ассосиатсияи байналхалқии палеонтологӣ (аз 1972). Аъзои фахрии Ҷамъияти геологии Швесия (аа 1968), аъзои ҳақиқии Ҷамъияти геологии Франсия (аз 1963); Лауреати Мукофоти ленинӣ (1967), Қаҳрамони Меҳнати Сотсиалистӣ (1984), бо ордени Ленин ва дигар ордену медалҳо мукофотонида шудааст.