Деҳаи СОҲИБНАЗАР

СОҲИБНАЗАР, деҳаест дар Совети қишлоқи Чимқӯрғони ноҳияи Панҷакент, вилояти Ленинобод. Территорияи колхози «Ленинград». Аз деҳа то маркази Совети қишлоқ 8 км, то район 16 км; роҳаш асфалтпӯш. Аҳолиаш 550 нафар (1985), тоҷикон ва ӯзбекҳо. Деҳа мактаби миёна, клуб, китобхона, пункти тиббӣ, магазин ва сартарошхона дорад. Соҳаҳои асосии хоҷагӣ тамокую шоликорӣ, чорводорӣ ва боғу токдорист.