Нанишан Тсиляншан, с и с т е м а и кӯҳӣ дар Осиёи Марказӣ, дар Хитой. Аз Шимолу Шарқ бо хамии Тсайдам ва аз Ҷанубу Ғарб бо биёбони Ала- шан ҳамҳудуд аст. Тӯлаш қариб 800 км, бараш то 320 км. Аз якчанд Қаторкӯҳҳо иборат буда, онҳоро водиҳои васеъ аз ҳам ҷудо кардаанд. Қатрокӯҳҳои асосиаш: Тсиляншан, Таоайшан, Сулэваншан. Ҷои аз ҳама баландаш 6346 м. Нанишан асосан аз варақсангҳои кристаллию гилии палеозой ва регсангу оҳаксангҳои мезозой таркиб ёфтааст. Дар аксари мавзеъҳои оҳаксангдор релефи карсти дида мешавад. Нанишан қариб 1000 пирях дорад, ки қисми зиёди онҳо дар нишебиҳои шимолӣ ҷо гирифтаанд. Дарёҳои калони ин ҷо: Сулэхэ, Жошуй, Бухин-Гол. Ландшафти қисми ғарбии Нанишан то баландии 3000 м. биёбонӣ ва даштҳои хушк, болотар аз он марғзору тундраи кӯҳӣ, аз 4000 м болотар минтақаи пиряҳҳо ва барфҳои доимист. Ландшафти қисми шарқиаш даштӣ ва бешадаштӣ буда, то баландии 3000 м ҷо – ҷо бешаҳои дарахтони қарағай ва ғайра мерӯянд. Нанишан конҳои маъдани оҳан ва по- лиметаллӣ дорад. Нанишанро дар охири асри 19 асосан тадқиқотчиёни рус Нанишан М. Пржевалский, Г. Н. Потанин, Г. Е. Грумм-Гржимайло ва В. А. Обручев тадқиқ кардаанд.
Tags Геология
Инчунин кобед
Деҳаи САҒИРДАШТ
САҒИРДАШТ, деҳаест дар райони Қалъаихуми Вилояти Автономии Бадахшони Кӯҳӣ, маркази Совети қишлоқи Сағирдашт. Территорияи совхози …