ШОҲИҶАҲОНБЕГИМ

ШОҲИҶАҲОНБЕГИМ (1838, Бҳуполӣ Ҳиндустон -1903, ҳамон ҷо), шоира ва арбоби давлатии Ҳиндустон. Ш. шоираи зулисонайн буда, ба забонҳои урду ва форсӣ шеър гуфтааст. Дар ашъори форсиаш «Шоҳиҷахон» ва дар ашъори урду «Ширин» тахаллус мекардааст. У дар навъҳои гуногуни шеър, аз қабили ғазал, рубоӣ. Қитъа ва ғ. қувваозмоӣ кардааст. Ин матлаъ намунае аз ашъори форси ӯст

Аз бодае, ки соқи дӣ кард маст моро,

Имрӯз аз хумораш дирҳам шикаст моро.

Ш. «Тоҷ-ул-иқбол», «Таърихи Бҳупол», «Таҳзиб-ун-нисвон» на «Хазинат-ул-луғот» барин асарҳои илмӣ низ таълиф кардааст.

А.Ғаффоров