ШИША, моддаи сахт, аморфӣ, шаффоферо гӯянд, ки дар натиҷаи аз ҳад зиёд хунук кардани гудохтаҳои махсуси оксидҳо (кремний, бор, алюминий, фосфор ва ғ.) ва оксиди металлҳо (литий, калий, магний, сурб ва ғ.) ҳосил мешаванд. Бештар шишаи силикатӣ маъмул аст. Истеҳсоли Ш. дар Мисри Қадим пайдо шудааст (с. 4000 то м.) Маснуоти шишагинро тавассути дамдиҳӣ, прессонӣ ва рехтагарӣ тайёр мекунанд.