ШИРИНКОМА, ширинкамона, 1) шириниест, ки падару модари домодшаванда ба ивази расонидани хабари розигии волидайни арусшаванда ба хостгори фиристодааш медод. Вақтҳои охир мазмуни он васеътар шуда, ба ҷои ширинӣ ҷомаю руймол ва ғ. медодагӣ шуданд; 2) пуле, ки пешакӣ барои иҷрои супориши махсус аз тарафи фармоишдиҳанда ба шахси иҷрокунанда дода мешавад; 3) пуле, ки ба даллоли бозор баъди савдои чизе фурушанда ва харидор медиҳанд.
Н. О. Турсунов.