ШИКАМБА, шикамба, ишкамба, қисми аввал ва аз ҳама калони меъдаи ҳайвоноти жовандаро гуянд, ки қариб тамоми тарафи чапи ҷавфи шикамро дар бар мегирад. Ҳаҷми Ш.-и ҳайвони болиғ ба 4/5 ҳиссаи ҳаҷми тамоми меъда баробар аст. Девораи Ш. аз қабатҳои берунӣ (серозӣ), миёна (мушакӣ) ва дарунӣ (луобпарда) таркиб ёфтааст. Девораи дарунӣ аз чинҳо иборат аст, ки Ш.-ро ба халтачаҳои алоҳида ҷудо менамоянд. Дар Ш. хуроки наботӣ аз таъсири бактерияю соддатаринҳо таҷзия шуда, омехта мегардад. Аз Ш. ғизо ба тур меояд ё ҳангоми оруғ задан ба ҷавфи даҳон ва аз онҳо баъди дубора жовидан тавассути сурхруда ба ҳазорхона ҷорӣ мешавад.