ШЕЕЛИТ

ШЕЕЛИТ (ба шарафи кимёгари шведӣ К. В. Шееле номида шудааст), минералест аз синфи волфраматҳо. Таркиби химиявиаш CaW04; ба сифати омехтаҳои изоморфӣ то 10% Мо03 (дар молибдошеелит ва зейригит), то 7% СиО (дар купрошеелит) ва баъзан ба микқори кам Sr, Mn, Nb, Та, Р ва г. низ дорад. Аксар агрегатҳои донадор ҳосил мекунад. Шеелит одатан беранг, сафед, хокистарранг, зардча, гоҳо бур, сабз ва сиёҳи алмосҷило мешавад. Сахтиаш 4,5—5; зичиаш 6,1 г/см3. Дар ҷинсҳои скарнӣ, рагҳои гидротермалӣ ва диг. ҷойҳо дучор мешавад. Маъдани вольфрам мебошад.