ШАПКИН Тимофей Тимофеевич (5. 3. 1885, Хутори Семимаячный, станицаи верхнекондрученский ҳозира вил. Ростов—22. 3. 1943, Ростови Дон), лашкаркаши советӣ, генерал-лейтенант (1940). Аз оилаи казаки Дон. Аъзои Партияи Коммунистӣ аз с. 1938. С. 1922 курсҳои олии Академия, 1935 Академияи Ҳарбии ба номи М. В. Фрунзеро хатм кард. С-ҳои 1922—24 фармондеҳи дивизияи савора, баъдтар инспектори Армияи савораи Округи ҳарбии Сибири Ғарбӣ. Аз с. 1926 командири Бригадаи 7-уми махсуси савораи Туркистон дар Тоҷикистон (с. 1932 ба Дивизияи 20-уми савора табдил гардид). Иштирокчии фаъоли несту нобуд кардани дастаҳои босмачиёни Фузайл Махсум ва Иброҳимбек (1931). Иштирокчии Ҷанги Бузурги Ватанӣ (1941—45). Бо 4 ордени Байрақи Сурх ва ордени Кутузов (дараҷаи 2) мукофотонида шудааст.
А. Я. Вишневский.