Шаҳри Орехово-Зуево

Орехово-Зуево, шаҳрест дар вилояти Москваи Республикаи Советии Федеративии Сотсиалистии Россия, дар соҳили дарёи Клязма (шохоби Ока). Узели роҳи оҳан. Аҳолиаш 132 ҳазор нафар (1979). Орехово-Зуево яке аз қадимтарин марказҳои саноати матоъҳои пахтагин мебошад. Саноати мошинсозӣ, химия ва истеҳсоли масолеҳи бннокорӣ низ ривоҷ ёфтааст. Институти педагогӣ, 4 техникум, 2 омӯзишгоҳ, театри драма, музеи таърихи револютсия дорад.

Шаҳр дар миёнаҳои асри19 дар на­тирҷаи муттаҳид шудани корхонаҳои калони капиталистӣ дар маҳалҳои аҳолинишини Зуево, Николское, Орехово, Дубровка ба вуҷуд омадааст. Аз соли 1917 Орехово-Зуево меноманд. Аввалин корпартоии коргарон дар Орехово-Зуево соли 1863 ба вуқӯъ омадааст. Корпартоии Морозов (1885) калонтарин корпартоӣ дар Россия буд. Нахустин кружоки сотсиал-демокраҳоро соли 1892 Н. Е. Федосеев ташкил кард. Коргарони Орехово-Зуево иштирокчии фаъолп Револютсияи 1905—07 буданд. Октябри 1905 Совети депутатҳои корга­рон ташкил ёфт. Ҳокимияти Советӣ 25 октябри (7 ноябри) 1917 барпо гардид.

Шаҳр соли 1970 бо ордени Револютсияи Октябр мукофотонида шудааст.