Абакан (1925 – 1931, Хакасск), шаҳр дар Федератсияи Россия, пойтахти Ҷумҳурии Хакасия (аз 1992). Дар ҷануби ғарбии Красноярск, дар қисми марказии ҳавзаи Минусинск, дар резишгоҳи дарёи Абакан ба дарёи Енисей воқеъ аст. Аҳолиаш 165,2 ҳазор нафар (2009). Узели роҳи оҳан ва роҳҳои автомобилгард мебошад, аэропорт ва бандар дорад.
Дар Абакан корхонаҳои вагонсозӣ, истеҳсоли кранҳои борбардор ва контейнерҳо, заводу фабрикаҳои саноати сабук, коркарди чӯб, хӯрокворӣ, истеҳсоли маводи сохтмон фаъолият мекунанд. Донишгоҳ филиалҳои донишкадаҳои Красноярск, пажухишгоҳи забон, таърих ва адабиёт, театрҳои драма (русӣ ва хакасӣ) ва лухтак, осорхонаи кишваршиносии ҷумҳуриявйӣ дорад. Дар шаҳхр боғи ҳайвонот ва дендрарий мавҷуд аст.