ШАББЎЙ, шаббӯ, гули шаббуй (Mattbiola incana), гулест, ки шаб бӯи хуш медиҳад; аз рӯи таснифоти ботаникӣ гиёҳест аз оилаи чилликгулҳо. Пояаш рост, сер-шох (то 80 см қад мекашад). Баргаш нештармонанд ё байзашакл. Гулаш гуногунранг (сурх, бунафш, сафед ва ғ.), одатан сербарг, хушбӯй. Шаббўй гули маъмулест, ки аз қадим мепарваранд. Фаррухӣ гуфтааст:
Хоре, ки ба ман дархалад андар сафари Ҳинд,
Беҳ, чун ба ҳазар дар кафи ман дастаи шаббўй.
Шаббўй дар замини серпору ва офтобрӯя хуб нашъунамо меёбад. Тухмашро моҳҳои март — апр. дар гулхона мекоранд ва моҳи май ба ҷои доимӣ кӯчат мекунанд. Баъди 20 рӯзи кишт гул мекунад. Бештар аз 400 навъи Шаббўйро мепарваранд.
М. Хоҷиматов.