ШАБАКИЯ

ШАБАКИЯ, турпардаи чашм, ретина, пардаи дохилии чашмро гӯянд, ки асосан аз ҳуҷайраҳои асаб иборат аст. Ҳуҷайраҳои Шабакия қобилияти ҳис кардани рўшноиро дошта, шаклан ба чубча ва колба (куаача) монанданд.

Шабакияи одам аз 10 қабат иборат аст ва қариб 7 млн хуҷайраи колбамонанд ва 75—150 млн ҳуҷайраи чӯбчашакл дорад. Ҳуҷайраҳои чӯбчашакл қобилияти дарк кардани ангезандаҳои сусти рӯшноиро доранд, -ки ба туфайли онҳо шахс дар нимторикӣ низ мебинад.