САНДЕРЛЕНД , шаҳрест дар Британияи Кабир, дар графии Тайн-энд-Уир. Бандари соҳили баҳри Шимолӣ. Аҳолиаш 296 ҳазор нафар (1976).
Маркази калони киштисозӣ. Дар Сандерленд корхонаҳои саноати мошинсозӣ, самолётсозӣ, чӯбгарӣ, шиша, кулолӣ, коғаз мавҷуданд. Таҷҳизоти кон, асбобҳои радиоэлектронӣ, пӯлод, танобу арғамчин ва ғайра истеҳсол карда мешавад. Аз наздикии Сандерленд ангиштсанг истихроҷ карда, ба хориҷа мебароранд.