РИУ-ГРАНДИ, шаҳр ва бандарест дар ҷануби шарқи Бразилия. Дар даромадгоҳи кӯллагунаи Патуси уқёнуси Атлантик воқеъ гаштааст. Аҳолиаш 116,8 ҳазор нафар (1970, бо атрофаш).
Стансияи роҳи оҳан. Ба воситаи бандар ба хориҷа шолӣ, маҳсулоти гӯштин, пашм, чарм мебарорад. Соҳаҳои саноаташ: хӯрокворӣ (консерви гӯшту моҳӣ, пивопазӣ ва ғайра), тамоку, чарму пойафзол, химия. Соли 1737 бунёд ёфтааст.