ПОМПЁЙ Секст (Sextus Pompeius) (тақрибан 75—35 то мелод, Милет), сарлашкар ва ходими сиёсии Рим. Писари Гней Помпей. Баъди ҳалокати падараш бар зидди Сезар дар Африка (48 —46 то мелод) ва Испания (46—44 то мелод) ҷангид. Соли 44 то мелод пас аз вафоти Сезар фармондеҳи флот шуд. Ситсилия ва дигар ҷазираҳоро забт, ғуломони гуреза ва бадарғагонро қабул намуда, Италияро аз тарафи баҳр муҳосира кард. Соли 43 ғайриқонунӣ триумвирати дуюм эълон карда шуд. Соли 36 то мелод дар назди Мила ва Навлох аз тарафи сарлашкари Октавиан Агриппа шикаст хӯрда ба Осиёи Хурд гурехт ва дар он ҷо ҳалок гардид.