СЕЛАИ МЕТЕОРҲО

СЕЛАИ МЕТЕОРҲО, маҷмӯи метеорҳоро гӯянд, ки ҳангоми ба атмосфераи Замин дохил шудани сели метеорҳо ба вуҷуд меояд.

Селаи метеорҳо ба системаи Офтоб дохил мешавад. Мадори он дар атрофи Офтоб эллипсшакл буда, мадори сайёраҳоро бурида мегузарад. Селаи метеорҳо бо усулҳои фотографӣ, радиолокатсионӣ мушоҳида мешавад ва дар асоси мушоҳидаҳо ба Замин дучор шудани он аниқ муайян мегардад. Селаи метеор маҳз дар ҳамин муддат то як моҳ мушоҳида мешавад. Дар вақти аз ҷои зичтарини сел гузаштани Замин максимуми Селаи метеор мушоҳида мешавад.