СЕГЕРС (Seghers) Пер (таваллудаш 05. 01. 1906, Париж), шоир ва ношири франсавӣ. Нахустин маҷмӯъи шеърҳояш — «Димоғаи умед» (1938). Солҳои Ҷанги дуюми ҷаҳонӣ ва баъд аз он Сегерс якчанд маҷмӯаи шеърҳои лирикӣ ва сурудҳояшро таълиф карда, чоп кунондааст. Барои маҷмӯъи «Сурудҳо» (ҷилдҳои 1—3, 1959—1964) ӯ сазовори Мукофоти ба номи Аполинер гардид. Фаъолияти ноширии Сегерс аз охири солҳои 30 оюз ёфтааст.
Сегерс дар тарғиби адабиёти форс-тоҷик, махсусан эҷодиёти Саъдӣ ва Ҳофиз дар Франсия ҳиссаи калон гузоштааст. Ӯ соли 1977 «Гулистон»-и Саъдӣ, 1978 ғазалиёти Ҳофизро ба франсавӣ гардонида бо муқаддима ва тавзеҳот ба чоп расонд.
Ш. Мухтаров.