СКАПОЛИТ

СКАПОЛИТ (аз юнонӣ Scapos — тана, қаламча, сутун ва Lithos—санг), як гурӯҳ минералҳоро гӯянд, ки ба синфи силикатҳо мансуб буда, аз қатори изоморфӣ иборатанд. Дар системаи тетрагоналӣ кристалл мебандад, кристаллҳои қаламчашакл ё агрегатҳои яклухти донадор ҳосил мекунад; бо кристаллҳои призмашакли худ аз шпатҳои даштӣ тафовут дорад. Сахтиаш 5—6; зичиаш 2500—2780 кг/м³. Рангаш сафед, зард, кабуд, гулобӣ. Шишаҷило. Скаполит дар ҷинсҳои метаморфии аз калсий бой (мармар, хшейс, гранулит, варақсангҳои сабз), скарнҳо ва ҷинсҳои кӯҳии магмавии асосӣ вомехӯрад. Скаполитро ҳамчун санги резакорӣ истифода мебаранд. Дар просесси фарсоиш аз Скаполит каолин ба вуҷуд меояд.