Маълумоти охирин
Главная / Илм / САТҲҲОИ КЕҲИН

САТҲҲОИ КЕҲИН

САТҲҲОИ КЕҲИН сатҳҳои минималӣ, сатҳҳоеанд, ки каҷии миёнаи ҳар як нуқтаашон ба сифр баробар аст (нигаред, Каҷӣ). Сатҳҳои кеҳин ҳангоми баррасии масъалаи вариатсионии зерин пайдо мешаванд: дар фазо ягон хати каҷи сарбаста дода шудааст; дар байни ҳамаи сатҳҳои имконпазирӣ аз хати каҷи мазкур гузаранда сатҳеро бояд интихоб кард, ки қисми андаруни хати каҷ масоҳати кеҳин (минималӣ) дошта бошад. Дар мавриди ҳамвор будани хати каҷ ҳалли масъала як ҳиссаи бо ин хати каҷ маҳдудшудаи сатҳ хоҳад буд. Дар мавриди ноҳамвор будани хати каҷ шарти асосиеро, ки онро сатҳи масоҳаташ кеҳин мебоист қонеъ кунад, Ж. Лагранж ёфтааст. Сонитар Ж. Мёне шарти Лагранжро такмил дода бо шарти мусовии геометрӣ иваз кард (ба сифр баробар будани каҷии миёна). Ҳарчанд ки ин шарт кофӣ нест, ҳама гуна сатҳеро, ки каҷии миёнааш ба сифр баробар аст, сатҳи қеҳин меноманд. Сатҳи винтӣ, катеноид ва «сатҳи Шерка» (сатҳе, қи аз муодилаи мисолҳои Сатҳҳҳҳҳои кеҳин мебошанд. Сатҳҳои кеҳин дар ҳамаи нуқтаҳо каҷии пурраи ғайримусбат доранд. Физики белгиягӣ Ж. Плато рӯи қафаси симинро бо собунпардаҳо пӯшонида усули дар амал ҳосил кардани Сатҳҳои кеҳинро нишон дода буд. Ғ. Раҷабов.

Инчунин кобед

САХАРИМЕТРИЯ

САХАРИМЕТРИЯ (аз русӣ сахар —қанд ва …метрия), усулест, ки ба воситаи он ғилзати маҳлули моддаҳои …