«САРВИ СИТО»

«САРВИ СИТО» 1)суруди Борбади Марвӣ, ки ба муносибати ҷашни Наврӯз тасниф намудааст. 2) Яке аз шӯъбаҳои «Ҳаштмақом». 3) Гӯшаи мусиқӣ дар таркиби шӯъбаҳои «Аширон», «Панҷгоҳ» ва овозаи «Салмак». «Сарви сито» то асрҳои 16—17 дар амалиёти мусиқӣ чун гӯшаи алоҳида иҷро мешудааст. Асосан, онро дар муқаддимаи «Панҷгоҳ», «Аширон» пеш аз мавзуи асосӣ иҷро менамудаанд. Аммо дар овозаи «Салмак» ҳамчун воситаи пайвасти ду шӯъба ба кор мебурдаанд.