САЛЮТ

САЛЮТ (франсавӣ Saint ва лотинӣ salus — табрик), шакли табрики тантанавӣ ва ифодаи эҳтиромро ба василаи паррондани тири тӯпи милтиқ, барафроштани байрақ ва ғайраро гӯянд. Маъмулан барои қайди воқеаҳои муҳим (масалан, Салют артиллерӣ дар Моск­ва ва дигар шаҳрҳои СССР дар рӯзи идҳои умумихалқӣ), дар вақти парадҳои ҳарбӣ, дар маросими дафни хизматчиённ ҳарбӣ ва арбобони давлатӣ Салют медиҳанд.

Мувофиқи созишномаи байналхалқӣ ва дохилии давлатҳои молоки баҳр Салют ҳамчун шакли ифодаи эҳтироми ҳарбию баҳрӣ пешбинӣ шудааст. Аксар киштиҳои ҳарбӣ ҳангоми даромадан ба бандарҳо Салют медиҳанд ва бандарҳое, ки батареяи соҳилӣ доранд, бо Салют ҷавоб мегардонанд. Салюти миллатҳо — бо 21 бор тир паррондан — аз тарафи киштии ҳарбии хориҷӣ, ки ба обҳои территориявии давлатӣ дигар даромадааст (бо байроқи афроштаи ҳамин мамлакат) ба ҷо оварда мешавад.

Агар дар киштӣ сардори давлат, сафир ё каси дигари олиқадр бошад, аввал форт Салют медиҳад.