САЙДАК, сагайдак, садак, саадак (туркӣ), маҷмӯн аслиҳаи, ба ҷанговари савора, ки аз камону ғилоф ва тиру тиркаш иборат буда, ҳангоми юриш бо ҷилд (тохтуя) пӯшонида мешуд. Қабл аз ин вазифаи Сайдак горит (ҷилд ё ғилофи чӯбин) барои камон ва тир иҷро мекард. Горит асосан байни скифҳо охири асри 6 — аввали асри 3 то мелод вуҷуд дошт. Тасвири горит дар гулдони тиллоии скиф (аз қалъаи Кулоба, асри 4 то мелод) инъякос ёфтааст. Сайдак то асри 17 байни халқҳои турк, муғул, инчунин дар Рус, истифода мешуд.