РУТБАҲОИ ДИПЛОМАТӢ, унвоиҳои махсусеанд, ки ба коркунони дипломатӣ дода мешаванд. Система ва тартиби додани Рутбаҳои дипломатиро қонунгузории ҳар як давлат ба тартиб меандозад. Дар аксар давлатҳо Рутбаҳои дипломатии зерин маълуманд: сафир, намоянда (элчӣ), машваратчӣ, котибони якум, дуюм, сеюм ва атташе. Рутбаҳои дипломатӣ дар Конгресси Вена қабул гардид; дар Конгресси Ахен (соли 1818) вай андаке тағйир дода шуд. Мувофиқи регла¬мент ва қарори конгресси мазкур Рутбаҳои дипломатӣ ба 4 дараҷа (рутба) тақсим мешаванд: 1) сафири фавқулода ва мухтор; 2) намоянда ё вазирони мухтор; 3) вазирон — резидентҳо; 4) вакили мухтор.
4 июни соли 1918 мувофиқи декрети СКХ РСФСР Рутбаҳои дипломатии кӯҳнаро ба рутбаҳои нав иваз карданд. Бо Укази Президиуми Совети Олии СССР аз 9 майи 1941 барои коркунони дипло¬матии СССР дар хориҷа рутбаҳои сафири фавқулода ва мухтор, вакили фавқулода ва мухтор, намояндаи (вакили) мухтор; бо укази дигар, аз 28. 5. 1943 барои коркунони дипломатии Комиссариати Халқии Корҳои Хориҷии СССР, сафоратхона ва миссияҳои СССР дар хориҷа Рутбаҳои дипломатии дигар — машваратчиёни дараҷаи 1 ва 2, котибони якуми дараҷаи 1 ва 2, котибони дуюми дараҷаи 1 ва 2, котиби сеюм ва атташе таъсис карда шуданд.
Инчунин кобед
САҒОНА
САҒОНА 1) қабре, ки аз хишти пухта 6 санг ба шакли гаҳвора сохта, дар он …