РУКНИ СОИН Рукни Ҷаҳон, Хоҷа Амидулмулки Рукнуддин (соли таваллудаш номаълум — вафоташ 1363, Язд), шоири форс-тоҷик. Дар тазкираҳо ном ва тахаллус, инчунин нисбаҳои шоир дар шаклҳои мухталиф, аз ҷумла «Рукн», «Соин», «Соннӣ», «Рукни Симнонӣ», «Сонни Рукни Сифодонӣ» (Исфаҳонӣ), «Сонни Ҳиравӣ» зикр шуда, аз ин сабаб ба қавли муаллифи тазкираи «Рӯзи равшан», тазкиранависон ин як касро се кас пиндоштаанд.