«РОҲАТ-УС-СУДУР ВА ОЯТ-УС-СУРУР» асари таърихии Наҷмуддии Муҳаммади Ровандӣ, ки соли 1221 таълиф шудааст. «Роҳат-ус-судур ва оят-ус-сурур» ба шарҳи воқеаҳо ва таърихи салтанати хонадони салҷуқӣ (аз ибтидои барқароршавии сулолаи Салҷуқиён то инқирози он) бахшида шудааст. Муаллиф зимни баёни воқеаҳои таърихӣ аз «Шоҳнома»-и Абулқосим Фирдавсӣ мисолҳо оварда, дар охири асар вазъи сиёсии баъзе шаҳрҳои Мовароуннаҳру Хуросонро баъди истилои Хоразмшоҳиён баён намудааст. «Роҳат-ус-судур ва оят-ус-сурур» дар Лондон (1921), Исфаҳон (1964) чоп ва ба забони туркӣ (1960), руси (1939) тарҷума шудааст.