РАДИФИ МАСНӮИ ЗАМИН

РАДИФИ МАСНӮИ ЗАМИН (РМЗ), аппарати париши кайҳониест, ки ба мадори наздизаминӣ бароварда шудааст. Барои дар чуцин мадор ҳаракат кардани РМЗ суръати онро баробари суръати якуми кайҳонӣ ё худ аз он ҳам зиёдтар кунондан лозим аст. Баландии минималии парвози РМЗ (перигеи мадор) 150— 160 км (чунин баландӣ барои дар атмосфера фаврӣ бартараф карда­ни тормозхурӣ зарур аст) буда, баландии максималии парвози он (апо­геи мадор) садҳо ҳазор км шуда метавонад. Даври гардиш аз рӯи мадор ба баландии миёнаи парвоз вобаста буда, аз 1,5 с то якчанд шаборӯзро ташкил медиҳад. РМЗ-ро дар тадқиқоти илмӣ ва ҳалли масъалаҳои амалӣ истифода мебаранд (масалан, РМЗ-и алоқа, РМЗ-и мотеорологӣ, РМЗ-и навигатсионӣ, РМЗ-и геодезӣ ва ғайра). Киштиҳои кайҳонии пилотдор ва стансияҳои мадорӣ низ мансуби РМЗ-анд.