Главная / Гуногун / РИЁЗИИ ЗОВАӢ

РИЁЗИИ ЗОВАӢ

РИЁЗИИ ЗОВАӢ (соли таваллуд номаълум — вафот 1515), шоири форс-тоҷик. Дар тазкираҳои гуногун— «Маҷолис-ун-нафоис»-и Навоӣ, «Тӯҳфаи Сомӣ»-и Соммирзои Сафавӣ, «Рӯзи равшан»-и Сабо ва ғайра оиди Риёзии 3оваӣ маълумоти мухтасаре дарҷ гардида, ӯ чун яке аз шоирони маъруфи давр қаламдод шудааст. Риёзии 3оваӣ ба дарбори султон Ҳусайни Бойқаро роҳ ёфта, қозии зодгоҳаш таъин гардид, вале пас аз чанде аз ий вазифа маъзул шуд. Риёзии 3оваӣ вақти худро асосан бо шеъру шоирӣ мегузаронид. Ӯ таърихи воқеаҳои замони ҳукмронии Ҳусайн Бойқароро дар маснавие иборат аз 8 ҳазор байт, таърихи футуҳоти сафавиёнро дар маснавии дигаре (нотамом) ба риштаи назм кашидааст. Порчаи зерин аз маснавии дуюми Риёзии 3оваӣ буда, дар он манзараи кӯҳ тасвир шудааст:
Уқобаш зи ҷавфи фалак дида ком,
Палангаш зи хуни шафак хӯрда шом.
Фалак сабзае раста пероманаш,
Шафақ даште аз лола дар доманаш.
Риёзии 3оваӣ дар дигар навъҳои шеър, аз чумла ғазал, яке аз устодон ба шумор мерафт. Ғазалҳову матлаъҳо, абьёти парокандаи Риёзии 3оваӣ дар тазкираву баёзҳо ба таври фаровон сабт гардидаанд. Ин абъёт аз ғазалияти ӯст:
Бар даҳонам занад он шӯху нано, гирад,
Дар миён чун сухани бӯсу каноре гирад.
«Зи ғамза бар ҷигарат тирҳо занам»—гуфтӣ,
Вале чӣ суд, ки ҳаргиз ба дил намегӯӣ.
М. Диловаров.

Дар борамон Anonymous

Инчунин кобед

САҚАНКӮР

САҚАНКӮР, нигаред Самандар.