РИГА, халиҷи баҳри Балтика, дар назди соҳилҳон Республикаи Советии Сотсиалистии Эстония ва Республикаи Советии Сотсиалистии Латвия 174 километр ба тарафи хушкӣ тӯл кашидааст. Масоҳат 18,1 хазор километр2. Аз баҳр ба воситаи ҷазираҳои Моонзунд (Эстонияи Ғарбӣ) ҷудо шудааст.
Ҷои чуқуртарини халиҷ 62 метр Ҷазираҳои калонтаринаш — Рухну, Кихну. Соҳилҳояш асосан пасти регзор. Ба халиҷ дарёҳои Двинаи Ғарбӣ (Даугава), Лиелупе ва Гауя мерезанд. Аз декабр то апрел яхпӯш аст. Бандари калон- таринаш — Рига. Дар соҳили ҷанубии халиҷ шаҳри курортии Юрмала, дар соҳили шимолиаш курорти Пярну ва дар ҷазири Сааремаа ш. Кингисепп воқеъ гаштаанд.