Деҳаи РЕЗГИФ

РЕЗГИФ, деҳаест дар Совети қишлоқи Лангари райони Мастчоҳ, вилояти Ленинобод. Территорияи Иттиҳодияи гӯсфандпарварӣ. Аз деҳа то маркази Совети қишлоқ 67 километр, то район 292 километр; роҳ автомобилгард. Аҳолиаш 160 нафар (1981), тоҷикон. Деҳа мактаби ибтидоӣ дорад. Соҳаҳои асосии хоҷагӣ ғаллакорӣ, боғдорӣ ва чорводорист. Заминҳо аз дарёҳои кӯҳӣ обёрӣ мешаванд.