РЕЗЕРВУАР (франсавӣгезегуои, аз лотинӣ гезегуо — нигоҳ медорам), зарфҳои калонҳаҷмеанд барои нигоҳ доштани моеъот (об, нефт ва маҳсулоти он, маҳлулҳои технологӣ ва ғайра) ва газҳо. Резервуарҳоро рӯизаминӣ ва зеризаминӣ аз оҳан, оҳанубетон, чӯб (барои истифодан кӯтоҳмуддат) шаклаш силиндрӣ, призмавӣ, куравӣ месозанд. Шакли силиндриаш бештар маъмул аст.
Дар системаи таъмини об бештар Резервуарҳое истифода мешаванд, ки аз масолеҳи бинокории маснӯъ тайёр карда шудаанд. Резервуарҳои ҳаҷмашон то 2—3 ҳазор м3-ро (барои об) мудаввар ва беш аз 5— 6 ҳазор м3-ро росткунҷа сохтан сарфаноктар мебошад. Вобаста ба таъинот ва навъи моддаи захирашаванда Резервуарҳоро на гармиву намӣ изолятсия на-муда, девораҳои даруниашонро рӯкаш мекунанд (масалан, бо масолеҳи кислотабардор). Резервуарҳо бо ғулбаҳои дохилу хориҷ, сарпӯшҳо, гиро нардбонҳо, гармкунак, клапанҳои муҳофиз, олоти софкорӣ, арматура, савиясанҷҳо ва ғайра ҷиҳозонида мешаванд. Нигаред, Гаванбор.