РАВҒАНИ КУНҶИД, равғани с и м с и м, навъе аз равғани растанист, ки аз дони кунҷид мекашанд.
Равғани кунҷид таъми хуш ва бӯи хеле паст дорад. Миқдори кислотаҳои равған (ба ҳисоби %) дар таркиби Равғани кунҷид чунин аст: стеаринат 4—6,5, палмитинат 7—8, миристинат қариб 0,1, арахинат то 1,0, олеинат 35—48, линолат 37—48, гексадетсенат то 0,5. Ҳарорати яхбандии равған аз —3 то —7°С, гоэдиҳии кинематикиаш (133—207). 10-3 м2/сон., адади йодаш 103—117. Дар Равғани кунҷид сезамол (эфири метили оксигидрохинон) мавҷуд аст, ки ҳангоми нигоҳдорӣ сабаби дер вайроншавии равған мегардад.
Равғани кунҷид маҳсулоти хӯрокист, аммо дар он витамини А нест ва витамини Е кам аст. Равғани кунҷидро дар қаннодӣ, саноати консерв ва дигар соҳаҳо, инчунин ба мақсадҳои техникӣ истифода мебаранд.