РАКЕТАИ МЕТЕОРОЛОГӢ

РАКЕТАИ МЕТЕОРОЛОГӢ, ракетаи геофи­зикӣ, ракетаест, ки барои тадқиқи қабатҳои болои ат­мосфера таъин шудааст. Бо ёрии асбобҳои метеоро­логие, ки дар Ракетаи метеорогӣ ҷой дода меша­ванд, ҳарорату фишори атмосфера, зичӣ ва таркиби ҳаво, нурҳои кайҳонӣ, конфигуратсияи майдони магнитии Замин на дигар параметрҳоро тадқиқ мекунанд. Баробари ин спектри нурҳои Офтоб ва қитъаҳои сатҳи Замин ба сурат кашида мешаванд. Ракетаи метеорологӣ фақат бо баландиҳои 100—150 км баромада метавонад ва массааш ҳам он қадар бузургиест (300—400 кг). Ракетаи метеорологии массааш то 80 кг ва баландии парвозаш то 65—70 км бештар истифо­да мешавад. Ракетаи метеорологӣ аз 2 қисм: таҷҳизоти муҳаррик ва ҳуҷраи ҷудошавандаи асбобу аппаратураи метеоро­логӣ иборат мебошад. Дар баландии муайян ҳуҷраи асбобҳо аз Ракетаи метеорологӣ чудо шуда, бо парашют поён мешавад. Радиосигналҳои Ракетаи метеорологиро стансияҳои теле­метрии рӯизаминӣ қабул менамоянд. Траекторияи ҳаракати Ракетаи метеорологӣ бо ёрии кинотеодолитҳо, камераҳои баллис­тикӣ, радиолокаторҳо ва ғайра чен кар­да мешавад. Ракетаи метеорологӣ ҳангоми бо роҳи сунъӣ дигар кардани ҷараёни просессҳои атмосферӣ низ аҳамияти калон дорад. Ниг. низ Ракета.