РАҲМОНОВ Мирзошариф (1900), деҳаи Қулангири ҳозира райони Хуҷанд — 26.10.1973, ҳамон ҷо), пахтакор, Қаҳрамони Меҳнати Сотсиалистӣ (1948), Устоди пахтаи Республикаи Советии Сотсиалисти Тоҷикистон (1958). Солҳои 1931—36 колхозчӣ, 1936—69 сардори бригадаи пахтакории колхози «Москва» (ҳоло колхози ба номи С. Урунхӯҷаев) ва аз соли 1969 нафақахӯри шахсӣ. Бригадаи Раҳмонов солҳои 1946— 48 ҳосили фаровони пахта рӯёнд. Бо ордени Ленин ва медалҳо мукофотонида шудааст.