Таджикистан – Энциклопедия на таджикском языке КИТОБАМ
РАҲМИИ КОБУЛӢ (соли таваллуд номаълум, Кобул — вафот. 1547, ҳамон ҷо), шоири форс-тоҷик. Дар ҷавонӣ барои таҳсил ба Самарқанд омад ва дар ҳамин ҷо ба кори эчодӣ шурӯъ намуд. Табъи шоирии Раҳмии Кобулӣ то дараҷае баланд будааст, ки душманонаш аз рашку ҳасад ба ӯ заҳр додаанд. Поёни умрашро дар Кобул гузаронидааст. Аз эҷодиёти Раҳмии Кобулӣ байтҳои пароканда ва чанде ғазалҳо тавассути тазкираву баёзҳо боқӣ мондаанд. Шеърҳои ӯ равон ва пуробаранг мебошанд.
