РАҲМАТИИ ТАБРЕЗӢ (соли таваллуд номаълум — вафот 1616, Агра, Ҳиндустон), шоир ва хушнависи форс-тоҷик. Раҳматии Табрезӣ чанд муддат дар Шероз зиста, охири умрашро дар Ҳиндустон гузарондааст. Девоне аз ӯ боқист, ки 8000 байт дошта, навъҳои гуногуни шеър (қасида, ғазал, қитъа, рубоӣ ва ғайра)-ро дар бар ме-гирад. Раҳматии Табрезӣ ҳамчунин аз хушнависони замони худ буда, хати насху сулсро хуб менавиштааст.