РАҲИМӢ Мирзораҳими Балхӣ (соли таваллуд номаълум — вафот 1893), шоири тоҷик. Раҳимӣ қаландарона умр ба сар мебурд. Аз илми мусиқӣ бохабар, дар навохтани танбӯр маҳорат доштааст. Аз ашъораш (ғазалҳо) андаке дар тазкираву баёзҳои асри 19 боқӣ мондааст. Абёти зеринро Возеҳ ба номи ӯ марқум намудааст:
Баски беморам зи тоби ҳаҷри он мижгону чашм.
Баҳри имдодам асое бояд аз наргис кунанд…
Бепулонро дар тамошогоҳи хубон бор нест,
Ағниё, баҳри худо, раҳме ба ин муфлис кунанд.
Адабиёт: