РАДИОПРИЁМНИКИ ТРАНЗИСТОРӢ, радиоприёмникест, ки дар он барои тақвияту табдилоти сигналҳо аз рӯи басомад ва детектиронии онҳо асбобҳои нимноқилӣ (асосан транзисторҳо ва диодҳои нимнокилӣ) истифода мешаванд. Истеъмоли термини «Радиоприёмники транзисторӣ» солҳои 50 асри 20, баъди оғози истеҳсоли саноатии транзисторҳо ва истифодаи онҳо дар радиоприёмникҳот гуногун маъмул гардид. Радиоприёмники транзисторӣ бо роҳи васеъ намудани диапазони басомадҳои корӣ, афзонидани иқтидори транзисторҳо, баланд кардани стабилии тавсифоти электрӣ ва беҳтар намудани нишондиҳандаҳои истифодавии онҳо такомул ёфт. Солҳои 70 аксари радиоприёмникҳои истеҳсолшуда транзисторӣ буданд. Афзалияти транзисторҳо дар он аст, ки андозаву массаи приёмникҳояшон хеле хурданд. Дар натиҷа дар шабакаи радиошунавонӣ Радиоприёмники транзистории мӯъҷаз, кисагӣ ва миниатюрӣ маъмул гардиданд.
Tags радиоприёмник
Инчунин кобед
САМОЛËТИ ҲАВОИЮ КАЙҲОНӢ
САМОЛËТИ ҲАВОИЮ КАЙҲОНӢ, аппарат париши реактивии идорашавандаи кайҳониро гӯянд, ки сатҳи баранда дорад ва бисёркарата …