Деҳаи ПУЛИГИРДОБ

ПУЛИГИРДОБ, деҳаест дар Совети қишлоқи Моғиёни райони Панҷакент, вилояти Ленинобод. Территорияи колхози «Коммунизм». Аз деҳа то маркааи Совети қишлоқ 1 км, то район 48 км; роҳ мошингард. Аҳолиаш 921 нафар (1981), тоҷикон. Деҳа мактаби миёна, китобхона, клуб, кинотеатр, шӯъбаи алоқа, нуқтаҳои хизмати маишӣ (сехҳои либосдӯзӣ, таъмири пойафзол, сартарошхона), магазин, чойхона ва ҳаммом дорад. Соҳаҳои асосии хоҷагӣ — тамокукорӣ, боғдорӣ ва чорводорӣ. Заминҳо аз дарёи Калон обёрӣ мешаванд.