ПУЛИ ҶИСРӢ, пуле, ки аз силсилаи ҷисрҳо (понтонҳо) таҳия мешавад. Ҷиср иншооти шиноварии чӯбӣ, металлӣ ё оҳанубетонист барои нигоҳ доштани таҷҳизоти гуногун дар рӯи об. Пули ҷисриро асосан барои убури ягон садди оби муваққатй (баъзан доимӣ) месозанд; он аз пояҳои шиновар (понтонҳо) ва гузаргоҳи дар болои болорҳои металлӣ ё чӯбӣ сохташуда иборат аст. Аввалин бор дар армияи Голландия (ибтидои асри 17), баъд дар армияҳои дигар истифода шуд. Бо Пули ҷисрӣ то 80 т борро аз монеаҳо гузаронидан мумкин аст.