ПТЕРОЗАВРҲО (Pterosauria), сусморҳои парвозкунанд а, қатори хазандаҳои мурдарафтаеро гӯянд, ки ба зерсинфи архозаврҳо мансубанд. Дар давраҳои юра ва табошир зиндагӣ кардаанд. Андозаашон ҳангоми кушодани болҳо бештар аз 7 м (птеранодон), гарданашон дарози серҳаракат, сари синаашон нағз инкишофёфта буд; баданашон мӯй дошт. Устухонашон бештар ковок буда, бофтаи исфҷӣ надоштанд. Намояндаҳои аввалини Птерозаврҳо (рамфориохҳо) дандонҳои тези нағз инкишофёфта ва намояндаҳои сонӣ (птеродактилҳо) ҷоғи бедандони нӯлшакл доштанд. Птерозаврҳо дар соҳили баҳру обанборҳо зиста, моҳӣ ва ҳашароти майдаро мехӯрданд. Боқимондаҳои Птерозаврҳо дар Американ Шимолӣ, Европаи Ғарбӣ, СССР (дар Қазоқистои Ҷанубӣ ва Поволжия) ёфт шудааст.