ПСИХИКА (аз юнонӣ psychikos — рӯҳонн), р ӯ ҳ и я, р ӯ ҳ и я т, хослата материли олитараққӣ, як шакли хоси инъикоси воқеияти объективист; натиҷаи таъсири мутақобили организмҳои зинда бо муҳит. Муҳимтарин хусусияташ — фаъолиятмандӣ. Психика дар зинаи муайяни таҳаввули биологӣ ба вуҷуд омадааст. Шакли одии Психика шуур мебошад, ки фақат ба одам хос буда, маҳсули инкишофи ҷамъиятию таърихист. Психикаи ҳайвонот ниҳоят оддӣ буда, ба қонунҳои биологӣ тобеъ аст. Амалоти психикӣ (эҳсос, идрок, хотира, ҳиссиёт, ирода, тафаккур ва ғайра)-ро психология меомӯзад.