ПСЕФИТҲО (аз юнонӣ psephos — сангреза), ҷинспораҳои калон, ҷинсҳои таҳшиниеро гӯянд, ки зиёда аз 50%-и таркибашон аз ҷинспораҳои калон (диаметрашон аз 2 мм зиёд) иборат аст. Ҷинспораҳо нисбатан лӯнда (харсангҳо, қайроқсангҳо, сангчол, чиғил) ва қиррадор (харсангҳои паҳлудор, сангмайда) мешаванд. Псефитҳоро ба ҷинсҳои пошхӯранда (шағал, чиғил) ва сементшуда (конгломерат, брекчия, чиғилсанг) тақсим мекунанд. Қабатҳои ғафси Псефитҳо бештар дар ноҳияи кӯҳӣ, водии дарёҳо ва соҳили баҳрҳо вомехӯранд. Баъзе Псефитҳо (шағал, конгломерат, брекчия ва ғайра)-ро дар бинокорӣ истифода мебаранд.
Tags ҷинсҳо
Инчунин кобед
САХАРИМЕТРИЯ
САХАРИМЕТРИЯ (аз русӣ сахар —қанд ва …метрия), усулест, ки ба воситаи он ғилзати маҳлули моддаҳои …