ПРУСТИТ (аз номи химики франсавӣ Ж. Л. Пруст), минерал. Системаи кристаллбандиаш тригоналӣ. Дар шакли кристалл, агрегатҳои дона-дона ва ҳяклухт вомехӯрад. Рангаш сурхча; ҷилояш алмосӣ. Сахтааш 2—2,5; зичиаш 5570—5670 кг/м3; мӯрт. Ҷараёни электрро намегузаронад. Прустит асосан дар конҳои гидротермалии сурбу руҳ ва нуқра пайдо мешавад. Маъдани асосии нуқра аст. Конҳои он дар СССР (Олтой, Шарқи Дур, Қазоқистон ва Осиёи Миёна) мавҷуданд.